Miércoles, 15 Abril 2015 15:36

Jaya markat jutir yatiqirin jakäwipa

Escrito por

Aymara

Jaya markat jutir yatiqirin jakäwipa

Jayan t’ant’a qhulukiw utjapxitäna. Wali manq’at awtjataxapxayätwa, ukat uka qhulu t’ant’ achakitunkar uñtat t’urt’asipxirïtxa: jachañ munirïtxa. Utajan manq’a utjirinaks amtasirïtwa.

Yoselin Selmy Apaza Flores, Ingeniería Textil, UNIBOL “Aymara Tupka Katari” jach’a yatiqañ utan yatiqiriwa

Ingeniería textil uka yatintañ thakhin yatintaskta. Cochabamba markan yurirïtwa. Oruro markan jakasta, ukat departamento de La Paz, Cuyahuani markan jichhax suxtïr tirsun yatintaskta.

Cuyahuanin yatintkasax kunaymaninakaw nayamp lurasi. Mayax akhamawa: kunapachatï samarañ urux purinx ukapachax taqi yatiqirinakaw utanakapar sarxapxäna; kawkirinakatï jayat jutapkt ukanakakiw pachpan qhiparxapxayäta. Nina phayirinak kunaw sarxapxäna, ukat jan manq’ataw uñjasxapxayäta.

Magalí jupax Caranavi markankiriwa, Bartolinax Oruro markankiriraki. Jupanakamp nayampix jan manq’ataw jikxatasipxayäta. Purakajas “q’aw q’aw” sasaw manq’atjam sisxäna. Janiw mä q’awsill (chicle) alaqasiñatakis qullqinipkayäti, janirakiw manq’ alasir Huarina sarañatakisa.

Jayan t’ant’a qhulukiw utjapxitäna. Wali manq’at awtjataxapxayätwa, ukat uka qhulu t’ant’ achakitunakar uñtat t’urt’asipxirïtxa: jachañ munirïtxa. Utajan manq’a utjirinaks amtasirïtwa.

Maykutix umamp akump jirtasisaw manq’asipxirïtxa, uka umax Titicaca quta thiyan mä phuch’ut waysutänwa; ukürunakax q’uma umax yatintañ utanx janiw utjkänti.

Khaya 2014 maran “Navidad” urun yaqha tirsunkir yatiqirinakampiw qhiparapxta, kunalaykuti ch’ukuñanakaw janïr tukutakänti, uka urux jurnalpachaw irnaqayät jan junt’ümas umata, jan chika urus manq’ata, jan arumas manq’ata ukhama. Qharax 8:30 pachat 22:00 arumkamaw irnaqäw tukuyirïtxa.

Mä kutix Bartolina Choque masijaw jakäwix qhisphiyi. Warisata markan yatintapxayäta, ikiñanakax pä pisunkamakïriwa, uraqix cemento ukampi llusq’achatarakïnawa. Anatasin Marisol masijax mayak nukt’irïtu, laqamstat uraqir puriñajänwa, Bartolinaw jank’ak katthapirïtu, jawsañaps jalaqtayasisa. Janitï jupax katthapkitaspanxa, p’iqit uraqiruw purisäna. Jichhax jupar manütwa, irnaqäwimpiw qhispiyatapat kutt’ayxä saw amuyaskta.

Visto 1399 veces Modificado por última vez en Lunes, 19 Octubre 2015 16:56
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc