Aymara
Phunchhäwinakax utanakapanw apasiñapa
Nayax uka phunchhäwinakax utanakapan apasisp sasinw sarakta, kawkhantï jaqinakax sarnaqapki ukhanx janiw utjañapakiti, uka kallis avenidas ukax taqininkiwa janiw khitis jupanakankaspas ukham uñjapkaspati.
Simeón Quiroz Aruquipa, Agronomía, Unibol ATK jach’a yatiqañ utan yatiqiriwa
Walja phunchhäwinakaw patrimonio cultural del Estado ukham uñt’ata. Nayax aka qullasuyun jakirjamax walpun k’umirakta bolivianos jila kullakanakax sapakutiw avenidas kallis uksanakan jach’a phunchhäwinak wakichapxi, maysatx entradas tradicionales sasin sutichapxaraki. Uka phunchhäwinakax aknïr jan walt’äwinak apaniraki:
- K’añask sayantäwinaka, kawkïr jila kullakanakatï mä chiqat yaqhachiqar sarapki ukanakas qhipt’at ukhamaw jikxatasipxi, ukharustï k’añaskpuras muqthaptasinx usuchjasiwinak utjayapxi, machatanakax kunayman jan wali arunakampiw arch’ukisipxi.
- Uka phunchhäwinakanx wayn tawaqunakaw chikanchasipxi. Yaqhip pachanakax phiskasiwi, nuwasiwi ukhamaw utji ukatx chacha warmipuras jisk’a wawanak nayraqatan tuqisipxi. Uka machañanakax chacha warmin jaljtañar kunaw puriyi, yaqhip pachax jiwañarus puriyarakispawa.
- Phunchhäwix markatakix jan waliwa, kunalaykutix kallis avenidas jach’a thakhinakans wali q’añupuniw uñjasi, maynitakix janchituqirux janiw walt’aykiti.
Phunchhaw wakichir jila kullakanakax uka phunchhäwinakax qullqi utjayi sapxiwa, ukatx nayra achil awichan saräwinakap sarayasipkta sapxarakiwa.
Nayan amuyatajatx ukax janiw ukhamakïti.
Nayax uka phunchhäwinakax utanakapan apasisp sasinw sarakta, kawkhantï jaqinakax sarnaqapki ukhanx janiw utjañapakiti, uka kallis avenidas ukax taqininkiwa janiw khitis jupanakankaspas ukham uñjapkaspati.
Yuspajara!
Castellano
Las fiestas particulares hay que hacerlas en casa
Yo sostengo que las fiestas deben hacerse en las casas y no en los espacios públicos, porque éstos son de todos y nadie tiene por qué adueñárselos en perjuicio de los demás.
Simeón Quiroz Aruquipa, estudiante de Agronomía, Unibol ATK
Muchas fiestas son consideradas patrimonio cultural por el Estado. Yo, como uno más de la población del país, critico cada vez que los hermanos bolivianos organizan acontecimientos festivos particulares, sobre todo en las calles o avenidas, y a eso lo llaman entrada tradicional. Tal forma de proceder provoca problemas como los que señalo:
- Trancadera de coches, pérdida de tiempo que afecta a los hermanos que necesitan trasladarse en un tiempo previsto y, lo más grave, accidentes como choques o discusiones feroces.
- La fiesta deriva en borrachera de muchos, incluidos jóvenes y señoritas. Y no pocas veces se producen violaciones, agresiones o violencia contra niños y mujeres. Causa asimismo separaciones de parejas y hasta la muerte en muchas familias.
- La fiesta, por todo o por nada, es un desastre para nuestro país porque la basura abunda en las calles, avenidas, carreteras y eso nos enferma de cuerpo y alma.
Los hermanos que organizan esas fiestas dicen que generan mucha plata y que están cumpliendo con costumbres de sus antepasados. Desde mi punto de vista, eso no es cierto.
Yo sostengo que las fiestas deben hacerse en las casas y no en los espacios públicos, porque éstos son de todos y nadie tiene por qué adueñárselos en perjuicio de los demás.
¡Gracias!
