Domingo, 08 Marzo 2015 20:39

Fondo Indígena ukat alat wakanakax janiw lichi churkiti

Escrito por

Aymara

Fondo Indígena ukat alat wakanakax janiw lichi churkiti

Proyecto ukanx yatxatatanakaw Pocoata Grande (Ancoraimes) uksan uka uywanakar uñjapxani, sasinw säna. Janiw kunas uka arsutar phuqhaskiti, yaqhip wakanakax jiwarxiwa, mä qawqha jilat kullakakiw wawanakani. Uka uywanakax janiw jila chanimp alatarjam lichx sum churkiti.

Alvaro Mamani Quispe, agronomía, “Tupak Katari” Jach’a yatiqañ utan yatiqiriwa

“Lichir wakanaka” sutin pruyiktux departamento de La Paz, provincia Omasuyos, Pocoata Grande, municipio de Ancoraimes, Pocoata Grande uksaruw purini. Uka amtax taqiniruw kusisiyapxitu. Fondo Indígena ukax markajanx sapa wila masitakiw Pardo Suizo wakanak alañatak qullqi churawayi, sapa uywax sapa mä wilamasix markajan qamki ukatakiwa. Uka wakanakatakix 7.000 bolivianos ukha chaniniw sasinw chanipax apst’atäna.

Kawkïr empresatï ajllitäk ukax sanwa: wakanakax Perú markat apanitaniw sasina. Markajatx maynin wakanak chijllt’aniñapatakiw suticht’awayata.

Jupanakax sarawayapxiwa, ukampirus janiw kuna asesoramiento uks katuqapkataynati, jilanakajaw uka empresa uksat uywanak chhijjllt’apxañapatak jawillt’atäna. Jupanakax kawkïr wakanakatï askjamäk ukanakaruw ajllt’apxatayna. Janiw kunjamäñapas mä waka lichirax uks amuyapkataynati. Proyecto Fondo Indígena ukax chanipx sumti uñxpacha uks janirakiw jiskt’apkataynati.

Wakanakar uñjasax janiw yatiñs munkti. Jilpachax mistisu uka kastakiwa. Yaqhipanakasti (criollas) ukhamanakawa, uka uywanakan chanipax janiw 7.000 bolivianos ukhakiti, jan ukasti 3.000 ukhakiwa.

Visto 1307 veces Modificado por última vez en Viernes, 13 Marzo 2015 12:35
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc