Aymara
Belén ukan anatañapa
Markan jakasirinakax San Pedro ukan Tatakuraparuw jawsapxatayna, ukatx Tatakurax Virgen de Candelaria ukawa sasinw satayna. Taqinis ukham yatisinx ch’allañatkiw tantacht’asipxatayna, ukhamarak wilañ kunwa amtapxatayna.
Carina Chachahuayna Arismendi, Ingeniería Textil, Unibol “Aymara Tupak Katari” jach’a yatiqañ utan yatiqiriwa
Mä qawqha wawanakaw khaysa thaya uraqinx iwija, khuchhi awatisipkatayna, ukatx mä pachacha uñjapxatayna, ukatsti anatañ wawakaspas ukhama apnaqapxatayna. Mä qawqha urunakaw uka pampan uka pachachamp anatasipktayna, ukatsti, utanakapar apañ amtapxatayna. Kunapachati utar apañ jan ukax yaqhanakar uñacht’ayañ munapkatay ukhax uka pachachax chhaqhataxiritänawa. Uka iwij awatir wawanakan awkinakap taykanakapax yatxapxataynawa, ukatx jilïr irpirinakamp katikistamp yatirimp kunaw uka pampar kunapachas sasin uñjir sarapxatayna.
Markan jakasirinakax San Pedro ukan Tatakuraparuw jawsapxatayna, ukatx Tatakurax Virgen de Candelaria ukawa sasinw satayna. Taqinis ukham yatisinx ch’allañatkiw tantacht’asipxatayna, ukhamarak wilañ kunwa amtapxatayna.
Walja maranakaxiw ukham uñstatapatxa, mayni departamento de La Paz, Achacachi, Belen markankir jilata Sabino Arismendi jupaw yatt’ayi, nayrjax Wilañ pampa sutinitaynawa, castellan arunsti vigilia. sañ muni.