Miércoles, 10 Junio 2015 18:56

Jach'a Yatiqañ Utankir Aymar Waynan Sarnaqawipa

Escrito por

Aymara

Jach'a Yatiqañ Utankir Aymar Waynan Sarnaqawipa

Taqi aka jach’a yatiqañ uta utt’ayirinakaruw jallallt’ta, nayan yatiqäwinakamp nayaraqatar saratañajatak utt’ayapxatapata. Dictadores jilïr irpirinak p’iqinchapkan ukhax indígenas Originarias ukanakax janiw jasak Jach’a yatiqañ utar mantañ atipkänti, ch’iyar janchinit janicha, apellidos ukanak yatisaw jisk’achatapxäna.

Claudio Sullcani Herrera, Ingeniería de Alimentos, Unibol “ATK” jach’a yatiqañ utan yatiqiriwa

Sutijax Claudio Sullcani Herrera satawa, departamento de La Paz, provincia Aroma, Catavi markan yurirïtwa

Nayan sarnaqäwijax 4 maranïkt ukhatawa, nayax pre kínder ukankayätwa, ukanx vocales qillqanaka, jakhüwinaka, abecedario qillqanak yatiqatax amtasta. Ukakipkarakiw pata markan jakañax kunjamas uksamtasirakta, ukatx thanthanakat jan ukax naylunat t’ixit pilutampiw antañ yatiqirïta.

Aruwit lurat jisk’a Yatiqañ utan yatiqirïta, nina phayañ utas manq’añ utas aruwit luratkamakiriwa. Samart’añ pachankasinx awkij taykajaruw yapu yapuchañan yanapirïtxa, llätunka maranixayat ukhaw awkij taykajax aka jakañ uraqitx sarawayxapxi, ukapachat ukasarux jilanakajaw qullqituqitx yapt’apxirïtu. Kunapachatï jisk’a yatiqañ utan yatiqkayät ukhax janiw secundaria uka yatiqañ utax utjirikänti, yaqhip wayn tawaqunakax ukat jak’a markanakan yatiqañ utaparuw sarapxiri. Ukatx 2 uru llumpaqa phaxsitx 2000 maranw “Elizardo Perez” secundario yatiqañ utax wachillir tukuyañatakix utt’asiwayi, Pedro Herrera yatichirijaw yatiqañ uta utt’ayañatakix ch’amancht’awayäna.

Ukatx cuartel uksaruw sarawayxta, militarañax kunjamas ukxat yatxatiri, akat qhiparux juk’amp nayatak askiñapataki.

Chiqpachansa, Indígena Boliviana Tupak Katari, Carrera de Ingeniería en Industria de Alimentos uksan yatintaskatajax wali kusisiñawa. Taqi aka jach’a yatiqañ uta utt’ayirinakaruw jallallt’ta, nayan yatiqäwinakamp nayaraqatar saratañajatak utt’ayapxatapata. Dictadores jilïr irpirinak p’iqinchapkan ukhax indígenas Originarias ukanakax janiw jasak Jach’a yatiqañ utar mantañ atipkänti, ch’iyar janchinit janicha, apellidos ukanak yatisaw jisk’achatapxäna.

Visto 1208 veces Modificado por última vez en Lunes, 04 Julio 2016 15:46
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc