Lunes, 19 Octubre 2015 16:49

Akatjamatawa, janiw munatarjamäkiti

Escrito por

Aymara

Akatjamatawa, janiw munatarjamäkiti

Kimsa masinakpuraw aruskipt’pxta, jiwasanakat waljaniw kuntï yatxatañ munkayatan uka yatxatktanti, jan ukax mä título jikxatañ laykukiw akanktanxa.

Aydé Quispe Mallqui, Juan Guery Santalla Mamani ukat Cindy Betzabé Ortiz Bahoz, Ingeniería de Alimentos, Unibol “ATK” jach’a yatiqañ utan yatiqirinakapxiwa

Colegio tukuyxasaxa, yatxatäwinak yatiqañatakix sapa mayniw kunayman amtanakan mistxaptxa. Ukhamïpan Universidad Aymara Túpak Katariw uñstapxitu. Qhana arunx janiw akar kuntï yatiqañ munakp ukham amuyump purinipkiti, jan ukax mä uta punkus jist’araskasp ukhamak mantaniptxa; ukhamarus janirakiw walja qullqis utjapkarakitünti.

Jichhax kimsanpachaw phisqïr tirsunkapta, Ingeniería en Industria de Alimentos ukana. Jichhaw nänakax kunats uka yatxatäw yatintapxta, ukat kunas aka jach’a yatiqañ utax jakäwinakajatak uks yatipxaraktxa.

Qhipa uñtasaxa, markas taypin yatichäwinakax jan suma amuyump sartayatätap amuyxaptwa. Kunapachatï wawanakäkasin jisk’a yatiqañ utanak yatxapt ukapachax janiw kawkharus sartan, kuna kast yatxatäwinaks muntan ukanakax yatitäkiti.

Kimsa masinakpuraw aruskipt’pxta, jiwasanakat waljaniw kuntï yatxatañ munkayatan uka yatxatktanti, jan ukax mä título jikxatañ laykukiw akanktanxa.

Ukataw taqi khithinakatï jisk’a yatiqañ utanakat tukt’ayxapx jupanakar sapxta, kuntï munapkta, kunatakis amuyus utjarak ukar arkapxam, ukhamat amtanakar puriñataki. Janiw walïkit aliqak kuna yatiqiris kawkharukis mantañäkiti.

Visto 1090 veces Modificado por última vez en Sábado, 24 Octubre 2015 21:28
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc