Lunes, 23 Noviembre 2015 09:50

Janiw jasakiti, ukampirus pusïr tirsunkxtwa

Escrito por

Aymara

Janiw jasakiti, ukampirus pusïr tirsunkxtwa

Jichhax pusïr tirsunkxtwa, ukakam puriñax janikiw jasakiti, maysatx siristwa, kunatï amtajak ukaw phuqhañaxa; mä industria ukan irnaqaña, métodos productivos ukar juk’amp askiñapatak ch’amanchañataki

Carlos Saúl Mamani Chino, Ingeniería de Alimentos, Unibol TK jach’a yatiqañ utan yatiqiriwa

Kunapachatï Unibol jach’a yatiqañ utar prefacultativos ukar mantanipkt ukhax yatiqir masinakampix janiw sum uñt’asipkayäti, Jach’a yatiqañ utanx juk’a yatiqirinakakiw utjäna; ukampirus jiwakinwa, qullu jak’ana, qutathiyana, yapu yapuchirinak jak’ana, uywanak jak’ana ukatx pachas llamp’ukiraki ukhamanwa.

Nayax Carlos Mamani sutinïtwa, 19 maranïkayat ukhax Achacachi markan qamasiyäta, ukatx sapa phaxsüru alwaw 8:00 pachar jutañ qalltanirïta, Cuyahuani Jach’a yatiqañ utanx yatichäwinakax 9:00 pacharuw qalltirïna.

Kunapachatï nayrïr tirsur makiptxta ukhax jakäwijas turkawayxiwa. Yatichäwix 8:00 pacharuw qalltxiri, ukhax Warisata markar sarañäxanwa, ukanx wali thayapuniriwa. Uksanx normalistas jupanakamp chikapxirïtwa, ukanx sapa phaxsür alwanakaw Himno Nacional de Bolivia jayllintir ist’apxirïta.

Jayp’u pachanakax yatiqir masinakajampiw Wally ukar anatir sarapxirïta, yaqhip jayp’unakax mayni kulak masimpiw phisqha k’atanak muyt’ir sarapxirïta, utajar kutt’xasinx pankanak ullañampiw sarantirïta.

Jichhax pusïr tirsunkxtwa, ukakam puriñax janikiw jasakiti, maysatx siristwa, kunatï amtajak ukaw phuqhañaxa; mä industria ukan irnaqaña, métodos productivos ukar juk’amp askiñapatak ch’amanchañataki. Ukampirus Jach’a yatiqañ utajax askinjamaw sartaski, yatiqañ utanaka, equipamiento laboratorio ukanakaw lurasiski.

Nayaxaka Jach’a yatiqañ utarux nayrakipka sarnaqäwisar kutt’añatakiw mantanta, ukhamaraki, kipka amuyun jila kulak masinakamp chikancht’asiñataki, kawkhatï jutkt ukat jan yaqhachiqar sarañataki.

Visto 1624 veces Modificado por última vez en Lunes, 23 Noviembre 2015 09:55
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc