Lunes, 11 Enero 2016 12:04

Irnaqaw laykux jayaruw sarta; ukampirus yatiqañ munapuniyätwa

Escrito por

Wila masijtaypitx naya sapakiw wachillir tukuyta, ukampirus yatiqäwinakamp nayraqatar sarantañatakix qullqiw jan utjkitänti, janirakiw tatajarus qullq mayiñ munkayäti. Jilajax jach’a yatiqañ utar mantañajatakix arutuqiw ch’amancht’itäna; nayraqat irnaqt’am ukat yatiqäwimp sarantat sasin sitanxa.

Aymara

Irnaqaw laykux jayaruw sarta; ukampirus yatiqañ munapuniyätwa

Wila masijtaypitx naya sapakiw wachillir tukuyta, ukampirus yatiqäwinakamp nayraqatar sarantañatakix qullqiw jan utjkitänti, janirakiw tatajarus qullq mayiñ munkayäti. Jilajax jach’a yatiqañ utar mantañajatakix arutuqiw ch’amancht’itäna; nayraqat irnaqt’am ukat yatiqäwimp sarantat sasin sitanxa.

Antolin Casanovas S., Agronomía, UNIBOL “ATK” jach’a yatiqañ utan yatiqiriwa

Kunapachatï yatiqañ utat wachillir ukham tukt’ayawayt ukatx La Paz markaruw sarawayxta, cuartel uksan Servicio Militar ukamp phuqhañataki.

Nayan amtajax yatiqäwimp nayraqatar sarantañapuninwa, ukatwa 2007 maran yatiqäwimp sarantañ yant’ayata; kunatï amtatakan ukax janiw phuqhasiwaykiti. Nayax llakitaw municipio de Palos Blancos Simay markajar kut’awayxta, awkij taykajax uksanwa jakasisipki. Mamajax nayar k’uchikiw katuqitäna, nayax mamajarux irnaqañ munta kunatakitï qullqix munaski ukar yanapt’añatak sasinw sista. Mamajax iyaw situwa, ukatw mä qawqha pachax wila masijamp markajan qhiparayäta.

Mä urux jilïr jilajaw akham sasin arxayt’itu: “Jach’a yatiqañ utar mä yatintaw thakhir mantasma, jumax sapakiskstaxaya. Nayax jaqichataxtwa sasina”. Wila masijtaypitx naya sapakiw wachillir tukuyta, ukampirus yatiqäwinakamp nayraqatar sarantañatakix qullqiw jan utjkitänti, janirakiw tatajarus qullq mayiñ munkayäti. Jilajax jach’a yatiqañ utar mantañajatakix arutuqiw ch’amancht’itäna; nayraqat irnaqt’am ukat yatiqäwimp sarantat sasin sitanxa.

Ukatwa, La Paz markar yatiqäwinakamp nayratar sarantañat sarxta, Mayor de San Andrés jach’a yatiqañ utaruw qillqayasin sasin yant’ta, maysatsti irnaqaw thaqhaskarakiyätwa. 2008 maranx mayni masijampiw jikista, jupax Santa Cruz uksanw irnaqaskatayna, jupax uksar irnaqir sarañatakiw ch’amancht’itu. Uka arunakax nayatakix wali askinwa, kunalaykutï maynix waynäktan ukhax kawkhakamas puriñjamawa.

Santa Cruz markarux mä almacen ukan irnaqiriw sarta, lunis urut wirnis urukamaw irnaqayäta. Ukat mä maratx markajaruw kutt’wayxarakta, ukanx 10 urukiw qamart’arakiyäta, ukurunakax mamajaruw wasitamp irnaqir sarañatak arxayarakiyäta. Jupax sarakimay akan qhiparasm ukhax yapumpikiw sarnaqasma ukax janiw walikaspat sasinw jayst’itäna, ukatw Yungas uksat La Paz markar sarxayäta, ukatsti, Argentina markaruw Fabrica de costura ukar irnaqir sarayäta, uksanx lunis urut sawar urukamaw 5:00 pachat 22:00 pachakam irnaqayäta, kunapachatï contratojax tukusxan ukat ukspachaw La Paz markar kutt’aniwayta, mä phisqhürukiw qamart’awayta, ukatsti Brasil markaruw sarawayxta, uksa markanx portugués aru arst’asipxi, cultura ukas yaqharakiwa ukatx kunjamas uksan jakañax ukat juk’ampinak yatiqaniwayarakta.

Kunapachatï Bolivia markar purinxta ukhax yatiqäwimp sarantañatakix janiw jayp’ukiti sasinw amtasta, ukatwa Unibol uksar jutta. Akanx 2011 maratw Ingeniería Agronómica uksan yatiqaskta.

Aymara aru yatiqañakiw ch’amarakïna, nayan tayka arujax castellano arukiwa, nayax k’uchikiw yatiqt’askta ukat Bolivia markar yanapt’añataki.

Jallalla!

Visto 1211 veces Modificado por última vez en Jueves, 14 Enero 2016 12:12
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc