Lunes, 09 Marzo 2015 12:36

Chachacomani markat Cuyahuani markaru

Escrito por

Aymara

Chachacomani markat Cuyahuani markaru

2010. Mä kallijunanjam makhatkasax mä jisk’a yatiqañ uta jikxatta. Janiw ikiñ utasa, manq’añ utasa ukat yatintañ utas utjirikiti, ukhaw uta luräwimp qalltaskiri; ukatx jisk’a yatiqañ utan pä yatintañ utan yatiqapxirïtxa

Cándida Flores Colque, agronomía, “Tupak Katari” Jach’a yatiqañ utan yatiqiriwa

14 uru llumpaqa phaxsit 2009 maran Chile markat Chachacomani markar jach’a phunchhäwir kutt’ataxa. Ayllujax Tata Sajama kayu thiyan Chile qurpasin jikxatasi, Oruro markatx khunux 21 km ukha sarañan jikxatasi.

Chachacomani markan Turco markankir tiyunakajamp jikxatasta. Maynix provincianx mallkut utt’atawa. Jupax nayampir jilajampiruw mä machaq jach’a yatiqañ utax Warisata markan utji sasin yatiyapxirïtu, uksanx pusi yatintañ thakhiw utji, sasina: ingeniería de alimentos, ingeniería textil, veterinaria ukat agronomía. Agronomía uksan yatxatir sarañatakiw jank’ak qillqantayasiñ munta sasinw sistxa. Tiyujax jalluqallta phaxsitak amtat yant’äwix anata phaxsinw phuqhasini sasin qhanancht’itu, ukat nayax kusisitaw achilajar irnaqañ yanapt’as qhiparaskä sasin sirïtxa.

Anata phaxsi 2010 marax purinxiriwa, warüru urux Oruro markan yant’äw katuyañatak jikxatasirïta. Uka yant’äwinx atipjirïtwa, ukatx 15 uru achuqa phaxsit yatichäwimp qalltañatak Cuyahuani markaruw sarañama, janiw Warisatarux sasinw sapxirïtu.

Kunjamti sapkitan ukarux phuqhiritwa. Quqanakan phuqhantat mark jikxatasax wali muspta. Mä kallijunanjam makhatkasax mä jisk’a yatiqañ uta jikxatta. Janiw ikiñ utasa, manq’añ utasa ukat yatintañ utas utjirikiti, ukhaw uta luräwimp qalltaskiri; ukatx jisk’a yatiqañ utan pä yatintañ utan yatiqapxirïtxa. Pachp utanrak ikipxiritxa, ukampirux manq’añ utax karpa ukham luratakiriwa.

Inäkapkirit ukjax yatintañ uta luräwiruw yanapapxiritx chachas warmisa thiyapat irnqapxiritxa. Kunapachatï ikiñ uta sapa qututak tukuyxapt ukhas janiw kusisiñax utjirikiti.

Anata phaxsi 2015 marana. Pachax mäkiw makipatawayi, aka jach’a yatiqañ utax nayar yatxatat tukt’ayañajat yanapt’awaykit ukar jaytjañampisktwa. Chachacomani markaw suyt’askitu.

Visto 1520 veces Modificado por última vez en Sábado, 18 Julio 2015 17:31
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc