Sábado, 19 Septiembre 2015 21:22

Villa Irpoco uksanx quri urqu wakat utjapcha?

Escrito por

Aymara

Villa Irpoco uksanx quri urqu wakat utjapcha?

Villa Irpoco uksanx inkanakan luräwinakapaw utjaski. Saräwinakas ukhamarak uka qalat lurat chiqawjas turismo ukarux jach’anchayaspawa.

Timoteo Mamani Condori, Agronomía, Unibol “ATK” jach’a yatiqañ utan yatiqiriwa

Villa Irpoco aylluxa, ayllu Collana (Totora Marka-Suyu Jacha, Carangas, Oruro) markat mä pacha sarañan jikxatasi, mä qala markaw utji, ukampirus juk’anikiw uka markarux uñt’apxi. Ukanx inkan cuartelapakaspas ukhamaw qalat lurat uñjasi, pä siqi ukat kimsa jan ukax pusi metros ukch’arakiw alayarux lurata.

Sapa qalax niyas cubo ukhamaw lurata. Wali muspakayawa. Kallinakapas wali jiwakipuniw uñtasi.

Maynitï uka manqhar jan mantirïkch ukhax janiw sum amuyañ atkaspati. Pä mantaña mistuñakiw utji, uka pirqanakapas wali jach’anakapuniwa.

Mä warankuw 600 metros ukham utji, ukax ina qalakamakiwa. Túnel ukanx mä metro ukch’akiw mantañapaxa. Säwinakax utjiwa, uka manqhanx uma ukatx uruqu wak ukhamaw utji sapxiwa. 15 mara nayrax extranjeros jupanakaw uka manqhar mä pitat kat’asisin manta sasin sapxatayna, uka pit khuchjatayna ukatx yaqha ch’usawjaruw jalaqtatayna.

Uka urqu wakan uñtap apsutañatakix 150 jaqs maykistasp ukhamaw sasinw awich achilanakax sapxi.

Sapa 29 uru lapaka phaxsitw awatiri jan jilaqatax mä “phuqancha” luqtayañapa, ukanx mä qarwa jiwayañapa ukat chuymap apsusaw uka urqu wakar uñtat qalar luqtañapa. Yaqhax kimsa wallpa k’anwaw uka p’iya maqhar jaquntaña, ukax ch’amakiw janiw jasakiti, yamakis kunapachatï q’urawamp q’urawt’atak ukhax janiw chiqak uka p’iyar mantkiti.

Turismo ukax askispawa ukhamat markatakis qullqis utjarakispa.

Visto 2031 veces Modificado por última vez en Sábado, 19 Septiembre 2015 21:25
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc