Martes, 20 Octubre 2015 11:02

Mä waynan artistäñ amtäwipa

Escrito por

Aymara

Mä waynan artistäñ amtäwipa

Secundaria ukankayät ukhax awich achil jak’ankayätwa, matemáticas, física ukat química uka matiryanakax nayatakix wali jasakiriwa, walja certificados ukanak katuqt’asitrïtxa, ukampirus amuyujanx arte ukamp sarantañax utjaskakiriwa. Maysatx taqi kunas mayjt’awayxiwa, jichhax akanw agronomía yatintaskta. Kunatï amtajax utjkitu ukax mä qhipurux phuqhasisp ukwa suyt’asktxa.

Hugo Condori Vargas, Agronomía, UNIBOL “ATK” jach’a yatiqañ utan yatiqiriwa

Jisk’akayät ukhax San Felipe, provincia Abel Iturralde, norte de La Paz uksan yatiqäwinakampix sarantayäta. Ukatx Provincia Ingavi, Corpa markaruw wachillir tukuyañatakix sarxayäta, uka markanx awichajaw jakasïna. San Felipe markanx janiw secundaria utjkänti jan ukasti primaria ukakiw utjarakïna ukatw nayax awichajan markaparux wachillir tukuyañatakix sarawayta.

Nayax yatiqaw tukuyañatakix tataj mamajat jithiqtawaytwa, nayrïr marax jupanakat wal llakisiritxa, kawkhantï jikxataskayät uka markanx wali thayiriwa, kawkhantï jisk’atpach jakaskayät ukanx junt’un yatitayätwa.

Jisk’atpachaw arte ukxa munirïtxa: jaylliwi ukat saminchaña ukanaka. Kunapachatï primero básico ukankayät ukhax yatichirijax kunayman samin qillqañanakampiw jamach’inaka, yaqha uywanaka ukatx quqanak saminachañ yatichirïtu. Kuntï jupax saminchañ yatichawaykitu ukx janipuniw armaskäti.

Séptimo de primaria ukan yatintkayät ukhax mä jawillt’äwiw Asociación boliviana de artistas plásticos filial La Paz (ABAP) uksat utjäna. Nayax ukaruw saminchañatak sarawayta.

Secundaria ukankayät ukhax awich achil jak’ankayätwa, matemáticas, física ukat química uka matiryanakax nayatakix wali jasakiriwa, walja certificados ukanak katuqt’asitrïtxa, ukampirus amuyujanx arte ukamp sarantañax utjaskakiriwa. Maysatx taqi kunas mayjt’awayxiwa, jichhax akanw agronomía yatintaskta. Kunatï amtajax utjkitu ukax mä qhipurux phuqhasisp ukwa suyt’asktxa.

http://www.lapublica.org.bo/articulos-jaqi-aru/item/839-akatjamatawa-janiw-munatarjamaekiti

Visto 1090 veces Modificado por última vez en Martes, 20 Octubre 2015 11:03
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc