Aymara
Sumtï yatiqsta ukhax yanapt’äwx katuqaskakitawa
Aka yanapt’äw katuqañatakix askinjamaw yatintaña; kunapachatï taqpach materias ukanakan qawqha nota ukatï apsuñäk ukar jan phuqxt ukhax uka yanapt’äwx apaqxapxituwa.
Victor Hugo Huallpa Velasco, Ingeniería de Alimentos, Unibol TK jach’a yatiqañ utan yatiqiriwa
Indígena Aymara Tupak Katari jach’a yatiqañ utanx markanakat ayllunakat jutïr wayn tawaqunakatakix yatichäwtuqinx aski yanapt’anakaw utji. Yatichäwimpi, ikiñ utampi ukat manq’añampiw yatiqirinakarux inak yanapt’ata. Aka yanapt’äw katuqañatakix askinjamaw yatintaña; kunapachatï taqpach materias ukanakan qawqha nota ukatï apsuñäk ukar jan phuqxt ukhax uka yanapt’äwx apaqxapxituwa. Yatiqäwimp nayraqatar sarantañ munasinx jan kuna yanapt’äwimpikiw nayrar sarantxapxi, kunapachatï nivelación ukar puritax ukhax yanapt’äwimpix sarantataxarakiwa.
Markanakan ayllunakan jilïr irpirinakapaw Unibol, Cuyahuani ukan yatiqäwinakamp sarantañatakix mä iyawsaw (visto bueno) yatiqir wayn tawaqunakar churapxi. Cuyahuani markax Altu markat mä pacha kimsa tunka k’athanak sarañawjan jikxatasi.
Ingeniería en Industria de Alimentos yatintañ thakhinx yatichäwinakax askiwa. Jichhakamax pä promociones ukhaw uttxi, aksatuqit tukt’ayat yatxatatanakax markanakapan irnaqañatakiw kutt’awayxapxi. Aksanx Ingeniería Textil, Ingeniería Agronómica ukat Medicina Veterinaria y Zootecnia yatintañ thakhinakaw utjaraki.
Leer también:
Suma manq'a manq'sipxta ukampirus janiw taqpach manq'anakax manq atakitiJach’a amtajax phuqhasiwa
