Miércoles, 17 Junio 2015 13:43

Tatajax taqi kuna churawayitu

Escrito por

Aymara

Tatajax taqi kuna churawayitu

Tatajax taqi kuna churawayitu

Vicenta Pinedo Sánchez, Agronomía, UNIBOL “ATK” jach’a yatiqañ utan yatiqiriwa

Tatajax Simón Pinedo Martínez sutiniwa, jupax provincia Sebastián Pagador, Oruro, ayllu Huari uksankiriwa.

Mamajax Fidelia Sánchez sutiniwa jupax mä urux qarwanak awatiskatayna ukatx chhijchhiw wal purintatayna, ukatstï mamajarux rayuw puritayna ukhamat jupax aka jakañ uraqit sarawayxatayna. Ukhatx tatajakiw paqallqu jila sullkar uñxapxitu, jupax nänakarux yatiqañ utaruw khitapxirïtu.

Tatajax walxa qarwanak uywiri uka aljasaw näkarux nayrar apsupxitu, qarwa aychx ukakipkarakiw manq’asipxirïtxa.

Qurpanakat jan walt’äwinakax utjiri, ukatx nänakarux qarwanak jamasat apaqapxiritu. Tatajax kutkatayasiñatakix inamayakiw saranaqiri, autoridades ukarux denuncia uskuniri ukas janiw unxtasirïkiti.

Uka jan walt’aw utjatapatx tatajax nänakatx janiw armasirikiti, jupax albañil ukat irnaqiri, ukakipkarakiw yapu yapuchasas wawanakap laykux irnaqiri.

Nänakax jilarxapxirit ukat qullqix janiw jikt’irixiti ukat tatajax alakip luririw yaqha markanakar sarxiri. Wawanakapakiw utan jikxatasxapxirïta, manq’añanaks jayt’awayapxirituwa.

Maykutix ukham yaqha markanakar sarkasinx lunthataw tatajat qullq apaqatayna, ukat jupax jan pisi chuymt’asax sarantaskakinwa. Ukatx mä chijirurakiw purxatayna, jupax ch’uxña quranakampikiw qullasxarakïna, jichhax jupax p’iqit usuta, nayrat usuta ukhamaw jikxatasi.

Ukhampachas jupana wawanakapar nayrar apsuñatakix irnaqaskakiwa.

Inas jan sum qillqat lurt’añ yatksti, ukampirus nayax sañ muntwa, jupax kuntï wawanakap layk irnaqawayk uka jach’anchta. Jupax nänakatakix awki tayka ukhamanwa. Inas jan wali muspakay utanikstxa ukampirus jupax nayamp chikaw jikxasiski, ukhamarak nayan yatiqañajatakis nayapt’itu ukhamaw ukaw nayatakix wali kusisiña.

Ukat:

Awichajan chhaqhatapata

Visto 1962 veces Modificado por última vez en Lunes, 29 Junio 2015 11:56
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc