Aymara
Santiago de Huata Markanx Alcalde chhijllatañatakix phisqha candidatos ukhaw utji
Mallkunakamp mama t’allanakamp markachirinakampix candidatos ukanakarux propuestas uñt’ayäwinakap phuqhapxañap mayipxi, ukampirus candidatos ukanakax pusi cantón ukat 36 markanakan
Alipio Mamani Mamani, Agronomía, Unibol “ATK”, jach’a yatiqañ utan yatiqiriwa
Departamento de La Paz, provincia Omasuyos, municipio Santiago de Huata uksanx phisqha frente ukhaw chhijllt’atäñatak sarantaski. Mallkunakamp mama t’allanakamp markachirinakampix candidatos ukanakarux propuestas uñt’ayäwinakap phuqhapxañap mayipxi, ukampirus candidatos ukanakax pusi cantón ukat 36 markanakan yatichäwi, yapuchäwi, uywachäwi, medio ambiente, qullayasiñtuqi ukat yaqhanakampit mayiwinakax utji ukawa uñjapxañapa sasinw arst’apxi.
Jichha alcaldesa Blanca Rovira Miranda (Movimiento al Socialismo MAS) uksatx janikiw obras ukanakx lurawaykiti, uka uñjasaw markachirinakax jichha candidatos ukanakan amtanakapxat sapa maynis amuyt’asipki.
Aka 29 uru achuqa phaxsit aka 2015 maran chijllatäñatakix aknïr candidatos ukanakaw sarantasipki: Johnny Quispe Caceres (Alianza Social Patriótica), Ismael Huanca Mamani (Frente para la Victoria FPV), Roberto Huaycho Villca (MAS), Froilán Condori Morales (Movimiento Comunal de Santiago de Huata), Tomás Quispe Saavedra (Movimiento por la Soberanía) ukat Nilton Condori Alanoca (Soberanía y Libertad).