Jueves, 12 Noviembre 2015 13:50

Markachirinakax chhijchhit jark'aqasipxi

Escrito por

Aymara

Markachirinakax chhijchhit jark'aqasipxi

Pachar jan walt'ayatatax kunayman jan walt'äwiw utji, ukatx nayrja maranakatpachaw uka jan walt'äwinakat jark'aqasiñatakix kunayman ritos jan ukatx saräwinakar  yäqañas utjatayna.

Murumamanin mä misa luqtayäwi

Omar Yhemy Quispe Apaza, agronomía, Unibol TK jach’a yatiqaña utana yatiqiriwa

Aka La Paz, provincia Omasuyos, Murumamani ayllunxa, jallupachanxa mä jach’a chhijchhiwa puriwayi, ukampirusa aka ch’uxaña achunakaruwa jani walt’ayawaykiti; aka ayllunxa jilpachaxa yapumpi uywampiwa jakasipxi. Uka jan walt’äwi pasatatxa markachirinakaxa wali phiñasipxäna, ukhamaraki yaqhipanakaxa walraki jachapxäna, ukat jayp’uruxa yapunakap uñxatiriwa mistuwayapxäna.

Uka jan walt’äwixa utjataynawa: mä jach’a tatawa nayra jaqinakana imatanakapa llawq’atayna, ukatwa uka chhijchhixa chhijchhintawayäna.

Ukata qhipuruxa chuqi yapunaka sumaxañapatakixa, Tata kurampiwa misa luqtayxapxäna ukhamatwa yapunakaxa waliptawayxi. Kuna jan walt’äwi utjipansa aka saräwinakaxa askiwa nayraqataru sarantayaña.

Pairumanin chhijchhit jark'aqasiñatakix nina ukat ch'iyar isiw apanaqata

Alvaro Mamani Ulo, Ingeniería de Agronómica, UNIBOL “ATK” jach’a yatiqañ utan yatiqiriwa

Suyu Omasuyos, Pairumani ayllunxa (Achacachi), nayra maranakatpachawa, jallu pachanxa chhijchhita q’ixu q’ixuta nina jiq’impi ch’iyara isinakampi jark’aqasipxirïtana.

Jichhurunxa uka saräwinakaxa sarayatakiskiwa, markachirinakaxa kunapachasa chhijchhixa purxatanini ukxa yatipxiwa ukatxa ch’uqi yapunakaparu chhijchhita jark’aqañatakixa wakicht’atapxiwa. Chhijchhi purxatañatakixa pachaxa akhamawa: kunapachatï wali ch’aphipuni lupt’anki, ukatxa ukhama lupt’ankasinxa, janq’u qinayanakawa qunurani ukaxa chhijchhiwa chhijchhintani saña muni; ukhama uñjasinxa mäkiwa nina jiq’ichkatayapxi, uka nina jiq’ixa laqampuruwa junt’uptayi sapxiwa, ukhamatwa chhijchhixa chullurxi. Ukampirusa kunapachatï ch’iyara qinayanakaxa wali t’irkt’ani niyasa purxatirpacha ukhaxa q’uxu q’uxunakampiwa phallkatayapxi, ukata qinayanakaxa maysaruwa muyjtawayxi; maysatxa, ch’iyara isinakampiwa jark’aqasipxaraki isinakasti aknirinakaspawa: wuphanta, phullu ukatxa punchu, mä phullu katusinxa walwa uksaru aksaru khiwjapxi.

http://lapublica.org.bo/articulos-jaqi-aru/item/484-lumasanakax-awich-achilan-yatiwinakapawa-ch-uqi-yapuchanatakix-lumas-untasaw-yapuchapxi

Granizo. Foto: Cambio

Visto 1310 veces Modificado por última vez en Jueves, 12 Noviembre 2015 13:53
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc