Lunes, 04 Enero 2016 11:00

Masinakan Caranavi markan jallun sarnaqapxatapa

Escrito por

Aymara

Masinakan Caranavi markan jallun sarnaqapxatapa

Mä mochila ukarux radio a transistores ukat mä machete ukham apxarupxta. Mä jan uñjat thakhimjamaw sarapxta; pusinix ukhamaw kayuk mä sendero ukanjam makhatas saraqas sarapxta. Nänakax jallun ch’aranjataxapxayatwa kawkir thakhinjamtï sarapkayät ukas mä jawiraw tukxi, ukanjamax muxsa achunaka, lawanaka ukham umax apari, nayas walpun sustjasxayätxa.

Mario, Agronomía, UNIBOL “ATK” jach’a yatiqañ utan yatiqiriwa

Kawkhatï aka Unibol ukar juttktxa uka markaruw 2010 maranx tumpt’ir sarta. Uka markax Oro Verde sutiniwa, khaysa provincia Caranavi uksanw jikxatasi. Uka marax Carlos, Luis ukat Marcos, La Paz markankir jilanakampiw sarapxta, jupanakax janiw maykutis uksa markar sarapxirikataynati. Kunapachatï uka markar puripkt ukhax mä asiruw uñstapxitu, jupanakax walpun sustjasipxi. Jupanakatakix uksan qhipartañax wali ch’amanwa kunalaykutix uksanx jisk’a laq’unakaw utjaraki janiw jupanakax ukar yatitapkänti.

Mä urux tatajax pachpa colonia ukan yaqha uraqijax utjki ukar sarañ amti, uka uraqix kimsa ura sarañ jikxatasi. Ukarux pä thakhiw sari: mayax Caranavi markanjam muytaña, mayasti serranías uknam makhataña. Nänakax serranías uknamaw kayuk sarapxayäta. Junt’um umasisinx jallun apaqtañap niya 9:00 pachakamaw suyt’apxirïta. Janipuniw jallux apaqtirikiti, ukatx jallunpachaw sarapxirïta.

Mä mochila ukarux radio a transistores ukat mä machete ukham apxarupxta. Mä jan uñjat thakhimjamaw sarapxta; pusinix ukhamaw kayuk mä sendero ukanjam makhatas saraqas sarapxta. Nänakax jallun ch’aranjataxapxayatwa kawkir thakhinjamtï sarapkayät ukas mä jawiraw tukxi, ukanjamax muxsa achunaka, lawanaka ukham umax apari, nayas walpun sustjasxayätxa.

Niya kismsa jayp’u pachax sarasipkakiyätwa. Ukatsti mä jach’a jawiraruw puripxta jach’a qalanak umax apasxi, taqinirupuniw asxarayxapxitäna. Janiw kun kamachañs yatxapxayäti. Mä jach’a quqa jaqutatayasin mä chaka uchasin ukapat makiptañ amuyuw utjapxitäna. Mä ura jilaw uka quqa jaqutatayañar uchasipxta ukatx kunapachatï wakichataxan ukhax ukanjamaw makiptawayapxta, jallux puriskakinwa.

Sarantasipkakiyätwa. Manq’at utxapxitäna ukatx mangonak apaqasipxirïta. Niya suxta jayp’uruw tatajamp jikisxapxirïta, jupax nänakat wali llakitaxatayna. Jupax manq’ waxt’apxirïtu, mä tiyujan utapar puriñatakix kayuk sarañakiskiriwa, niya tunka mayani arumaw puripxta, qaritampitx jiwataw ikirxapxatäta. 14 uraw jallun kayuk sarnaqapxta. Ukax nayatakix mä aski amtaskayawa.

Visto 1805 veces Modificado por última vez en Lunes, 29 Febrero 2016 01:10
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc