Martes, 29 Septiembre 2015 10:25

Covendo markat Cuyahuani markaru

Escrito por

Aymara

Covendo markat Cuyahuani markaru

Wali jayapuniriwa. 5:30 willjata pachatw yatiqañ utar pachapar puriñatakix sarxapxirita. Jawirax asxarkayiriwa, yaqhippachax akkatat khurskatar makhatañatakix janiw yampus utjirikiti, nänakax jacht’asisaw qhiparxapxirïta. Yaqhippachax arutuqix makhatañatakix ch’amamcht’apxirituwa, ukham makhatasinx cuaderno, isi, ququ ukanakx q’al umampix jurintayapxirita.

Chio, Ingeniería de alimentos, Unibol Jach’a yatiqañ utan yatiqiriwa

Jisk’akayät ukhax Covendo markan mamaj tatajamp jakasiÿata. Uka markax La Paz jach’a markat 280 km sarañan jikxatasi, khaysa provincia Sud Yungas municipio de Palos Blancos uksana. TCO Mosetén uka markan sullka jilajamp nayampix yuripxta. Uka markan yatiqañ utankasax kimsa maraw yatiqaniwayta; ukampirus niya chika mara yatiqaskayät ukhaw tataj mamajax yaqha markar jakasir sarañatak amtxapxäna. Uka markax Covendo markat paqallqu kikometros sarañawjan jikxatasi, uksan 50 metros ukch’a makhatañ jawiraw utji. Nayampir sullkajampirukiw jaytawayxapxiritu. Wali llakisiñäriwa, sexto kursunkxayät ukhaw uka markar sarawayxapxirita.

Wali jayapuniriwa. 5:30 willjata pachatw yatiqañ utar pachapar puriñatakix sarxapxirita. Jawirax asxarkayiriwa, yaqhippachax akkatat khurskatar makhatañatakix janiw yampus utjirikiti, nänakax jacht’asisaw qhiparxapxirïta. Yaqhippachax arutuqix makhatañatakix ch’amamcht’apxirituwa, ukham makhatasinx cuaderno, isi, ququ ukanakx q’al umampix jurintayapxirita.

Maykutix jawirat umax walipun jilarxi, kawkhatï utajakan ukharux umax jitkatanxiriwa, niyapuniw utajs yapu yapuchatanakajs apasxiri. Walja urunakapuniw jan yatiqañ utar sarañ atipxirïkti. Uka marax janiw yatichäwimpix phuqhapti qhipartxaptwa, ukatx tataj mamajax qhipa maratakix Covendo markar nanakar jaytanxañ amtxapxiri, uka pacha purinxipanx nayatakix asxarañïriwa, kulaykutï niya tawaqitaxirïtwa.

Octavo kursu tukuyxitïtwa, Covendo markankasipkakirïtwa. Yaqhip pachax jan qullqini, jan manq’ata, ukhamaw jikxatasirïta, ukampirus sapajax walja kunanak yatiqirïtxa. Chiqpachansa, walja maranakaw mamaj tataj thiyat yaqhaqtatax jakasiwayta, ukatx capital del municipio, Palos Blancos uksaruw wachillir tukuyañatak sarxirïta, uksan tukt’ayaniwayxta.

Jichhax aka Indígena Aymara Túpac Katari jach’a yatiqañ utan Agronomía uksan yatiqaskta, mayni yatichiriw beca ukat arxayt’irïtu. Ukatx jan paykut lup’isapuniw aka Cuyahuani markar jutawayta, jakawijan juk’amp yatxatatäñataki.

Juk’ampinaka:

Palos Blancos thakhix wila masijkamaw puriyitu

Arusar jayump jayuncht’at manq’añ munta

http://www.greeninvestment.org/turismo2.html

http://palosblancos2008.blogspot.com/ (foto)

Visto 1639 veces Modificado por última vez en Martes, 29 Septiembre 2015 10:44
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc