Chacha amuyun qamäwix apnaqata

Chacha amuyux wila masitaypinx janiw walt’aykiti. Warminakaw uka jisk’achäwinak jilpachax katuqapxi. Kunapachatï mä jikthaptäwis phunchhäwis utjki ukhax kullakanakax nina phayañamp wawanak uñjañampikiw qhiparapxi, chachanakax pilut anatapxi ukhamarak jaxu umanak umapxi ukat machatäxasinx jupanakpuraw kunayman jiskhisipxaraki. Chachanakax warmiruw nuwapxi, jisk’achapxi. Ukatx ukham nuwatas jisk’achatas warminakax yaqhanakax kamsarakitasp sasinx amukiw qhipartapxi, wawanak laykux khitirak qullq churitasp sasinx janiw khitirus yatiyapkiti, ukax janiw chiqakiti, ukampirus wawanakax uka tuqisiw jisk’achaw arunakampix jan walt’ayatapxiwa. Ukatwa, uka chacha amuy apnaqäwirux janiw sapxañasa. Nayan wila masijtaypinx uka uñch’ukisiwx uñjarakiyätwa. Clara, Agronomía, UNIBOL TK jach’a yatiqañ utan yatiqiriwa

Unibol Jach'a yatiqañ utan arupa, chimpuntäwipa

Yatiqiririnakax uka utt’asïwxatx janiw kamsañs yatipkti. Aka k’umïwix janiw jan walt’ayañatakikiti, jan ukasti (académico ukat administrativo) uksankirinakan wali sum amuyt’apxañanakapatakiw qillqt’ata.

Chahuira markan turkakipäwipa

Walja achüwinakaw utji, wila masinakax janiw pisin jakañankampkiti. Wali wakiskiriw ukham nayrar sartäwimp jakañaxa; ukampirus kunjams aka tecnología ukamp markanakar jan kuna jan walt’ayasas sarxars ukaw amuyañaraki.

Dakar uñjt’iriw wila masijamp sarapxta

Uka thakhix wali ñiq’ipuninwa, k’añaskux sayantxanw janiw uka ñiq’i taypit mistuñ atxanti. Kawkhanjamtï mistuñ munapkayat ukax aliq iramakirakinwa. K’añaskux mayk’atakw jan jaqukipstkiti.

 Anux nänakamp chikapuniw sariri. Nänakan tatanakajax yatiqañ utarux anumpiw khitapxirïtu, uka anux kimsa maraw nänakamp chika sarirïna.

Tatajax taqi kuna churawayitu

 

Tatajax walxa qarwanak uywiri uka aljasaw näkarux nayrar apsupxitu, qarwa aychx ukakipkarakiw manq’asipxirïtxa.

Kunapachanakatï jupamp aruskipt’apxirïkt ukhax mamajaw ukham qullunak uñtas utanak uñtas p’itañ sawuñ yatichitu sasinw sarakirïtu, uka p’itatanakx pachpa yatiqañ utan aljiri, qawqhti aljasin jalaqtayirik ukx yatiqañatakix kunanakatï munask ukanak alasirakirïna.

Palos Blancos thakhix wila masijkamaw puriyitu

Uraqpachan uka thakhix wali chiji utjayirit uñt’atawa, patak patak chijin jiwataw utjawayi, taqi ukanak jan amtasiñatakix thakhin ikiwayxirïtwa. Qhipkutix jawirat umax walipuniw jilarawayxi, ukhamipanx 200 k’añaskuw thakhin sayantat jikxatasxäna. Saririnakax (pasajeros) jan manq’ataw jikxatasipxayäta, ukampirus janirakiw kuna yanap mayiñatakis jawsañatakis señal ukas jawsañatak utjkänti.

lp15

 

La Paz - 71597592
Cochabamba - 71786333
Santa Cruz - 71528022

 

cc